(১)
হেৰুৱা সুৰ এটা জাঁতত হেৰাই ...

(২) 
নাহৰৰ পাতবোৰ গৰ্ভৱতী সপোন ৰচে 
ইতিহাসৰ ... 

(৩) 
বালিঘৰ ভাগিলেই যৌৱন সোমাই 
সুখে দুখৰ পোচাক মেৰাই ...

(১) 
আয়তীৰ উৰুলী 
সৰু এটি উচুপনি 
বিধবা তিৰোতাৰ জানো অন্তৰ নাথাকে (?)

(২)
বহুদিনৰ পাছত আজি সুধিলো
ভয় কৰিছিলি নেকি ?

ধৰ্ষণ

ধৰ্ষণ 
 
অগভীৰ ভালপোৱা 
 
একপক্ষীয় তাড়না ।

আদিম

ফটো-বিকু

নৈ বৈ যায় 
খেনোক পাই জোৰেৰে 
খেনোক পাই ধীৰেৰে 
ফাগুনৰ বতাহত 
যাযাবৰ হয় বুকুৰ দুকাষ ।

মুন...

মুন... 

ফুলবোৰ ৰাতি ফুলিলে বগা হয় 
মইও ৰাতিফুলা ফুল হ'ম

আবেলিৰ এজুলুকা ৰান্ধনি ৰ'দ
ভৰিৰ খোজত
বিচাৰি থাকিম আজীৱন
তোৰ অলক্ষিতে ।

• প্ৰেমৰ দিনত মোলৈ... •

 

আজি প্ৰেমৰ দিন (!)
প্ৰেমৰ ৰাতিবোৰত হৃদয়খন ক'ত বন্ধকত দিওঁ 

আজি সঁচা কথা কওঁ আপোনাক 
পিতাইৰ এহাল মাথো চাৰিদাঁতৰ গৰু 
এটা বগা এটা মুগা ।
তিনিবিঘা আধি খেতি, 
নিজৰ আধা । 

কাতি পালেই পিতাইয়ে আইক দিয়ে ভালপোৱা
পেট নভৰে আইৰ
মই কান্দো ।

আইৰ পেট নভৰাৰ দৰেই
আপোনাৰো আধাপেটি পেট
সেইয়া মোক ভালপোৱা দিনৰ কথা ।

আজি আভোক সন্ধিয়াত
আপোনাৰ অচিন চিনাকী
ভাতখোৱাৰ আলহী...
আমাৰ ঘৰত আজিও আন্ধাৰ
কেৰাচিন নাই ।

দিনত ফচল আকাশ
আকাশৰো ওপৰত মোৰ ভালপোৱা
সদায়ে প্ৰেমৰ দিন উদযাপনৰ হেপাঁহ
মুধৰ খুটাত ভঙা পইচা ।
( আপুনি সুখত থাকক প্ৰেমৰ নিশাও,
সঁচা ভালপোৱাহীন হৈও ।
শুভকামনা । )••

[ ১৪.০২.১৩ ]

শৈশৱে ৰিঙিয়াই...

মই শিক্ষকতা কৰা পহুমৰা প্ৰাঃ বিঃ প্ৰাংগনত আনন্দত মতলীয়া এজাক শিশু

''লাও পুলি ল'ৰাই ৰুলোঁ
ৰুলোঁ লৰাই লফা
ঘূৰাই ঘূৰাই উৰাই ঘূৰাই
তাঘূৰ ঘূৰাই মাতা ।''

আখৰ চিনিব ধৰোতেই বোৱাৰী পুৱাতে উঠি পিৰালিত থৈলা পাৰি গগন ফালিছিলো । আইয়ে চোতাল ঘৰ অতাই গা পা ধুই পঢ়াতে পিঠাগুৰি এবাতি, গুৰ এজেবা, এৱাঁ গাখীৰেৰে উপঙাই দিছিলহি । মাতটো ক্ৰমান্বয়ে ডাঙৰ হৈছিল ।

''নাৰ বাত পাভ মাছ
আৰু এটা কাছ ,
বাৰ টকাত কিনি আনি
কিয় বাৰু নাছ ?''

স্কুললৈ লৰ দিছিলো । সময়ৰ বহু আগতেই পাই খেলিছিলো, জপিয়াইছিলো ।
কি দিন আছিল সেইয়া ।

মোৰ শৈশৱ আকৌ ঘুৰাই দিয়া... সময় ।
তাত জটিলতা নাই, পংকিলতা নাই ।
পাহাৰৰ জুৰিটিৰ দৰে শান্ত, নিৰ্মল ।

পাপী শ্ৰীকৃষ্ণ

ষোল্লশ ব্ৰজবাসীৰ
সংসাৰত জুই লগোৱা
চ'ত মহীয়া পথাৰৰ
উদং দমৰা

কি গোন্ধ পাইছিলি
অবলা ৰাধাত ?

ন মহীয়া কেঁচুৱাই কান্দিছিল তেতিয়া
মাকৰ স্তন
যেতিয়া চুপিছিলি কাঢ়ি
নাজাননে,
কলেষ্টৰেল নবজাতকৰ সুষম আহাৰ !

তই কেনেকৈ বুজিবি
পুত্ৰ-মাতৃৰ বেথা
কি দোষত বা কন্দোৱালি
নন্দ-যশোদাক !!

আছিলি যদিয়ে
তই সৰ্বশক্তিমান
ওপজিয়ে কৰা নাই কংস সংহাৰ
ভীৰুতাৰ অন্য নাম 

 আৰু . . .
কি বুজিবি তই
প্ৰেম ভালপোৱা,
মাথো চিনিপাৱ'
পৰকীয়া যৌনতা

তোৰ বিচাৰ হলে ক'ৰবাত . . .
ঘৃণাত নাক কোছাই হাজাৰ জল্লাদ

সেইখন হাতেৰে নুচুবি ৰাধাক
পাপী ,
পাপী শ্ৰীকৃষ্ণ,
তাই অবলা !

©

''গণতান্ত্ৰিক'' ­ [ অণু গল্প ]

  কাৰ্যালয়ৰ সমূহ কৰ্মচাৰীৰ উপস্থিতিত মুৰব্বী শইকীয়াই পুৱা জাতীয় পতাকাখনি উত্তোলন কৰিলে থিকেই কিন্তু ভুলতে পতাকাখন ওলোটা হৈ থাকিল ।
সিংহভাগ কৰ্মচাৰীয়ে ক'লে - 'থাকক দিয়ক, এতিয়া নমাই আনিব নালাগে ।'
বিকৃতৰূপত দিনটো জাতীয় পতাকাখন কাৰ্যালয়ৰ সন্মুখত উৰি থাকিল ।

''ফাগুণে কি আনে . . . .''

মোক নুসুধিব আপুনি
ফাগুণত সপোনবোৰৰ
কিমান দাম উঠে . . .
আপুনি ভবাৰ দৰেই
ফাগুণে জুই আনে
পলাশে তেজ ঢালে
ৰঙা ৰঙা !

আপুনি কেতিয়াবা
তেজবোৰ শুঙি পাইছেনে ?
মদাৰৰ দৰেই মুল্যহীন
আপোনাৰ . . .
মোৰ . . .

এতিয়া ভাবকছোন
ফাগুণে কি আনে . . .
ধূলিয়ৰী বাটত
ধূসৰ ইতিহাস (?)
সপোনবোৰ উৰি থাকে
শিমলু তুলাৰ দৰে
এদেওঁ দুদেওঁ
উৰি উৰি ক'ৰবাত পৰে
কাৰোবাৰ বিয়াত,
সকামত, অন্নপ্ৰাসনত ।

নিসংগতা ফাগুণৰেই ৰঙ
সকলোকে সানে !
নুবুজাৰ অভিনয় নকৰিব আপুনি . .
আজাৰ জোপালৈ চাওঁক
বহুদিন তেনেকৈয়ে থাকে
ফাগুণ অহাৰ আগতো,
যোৱাৰ পাছতো ।

( ০৬.০২.২০১৩ )